"Ол өрт бойынша “іс арнайы прокурордың өндірісінде. Ол жақта тергеу амалдары жүріп жатыр. Тергеу амалдарына қатысты түсініктеме бере алмаймын. Бәрін бақылауда ұстап отырмыз” , - деді ол.
Министрдің сөзінше, Нұрғанат Ғайыпбаевтың өліміне қатысты тергеу амалдары да жалғасып жатыр.
Былтыр Талғарда 16 жастағы Шерзат Полаттың кісі қолынан қаза болған. Ізінше оның отбасының үйі өртеніп, жақын бауыры Нұрғанат Ғайыпбаев қайтыс болды. Полиция "марқұм өзіне қол салғанын" айтқан. Марқұмның жақындары Ғайыпбаевтың "суицид жасағанына" сенбейтінін айтқан.
Жуырда Шерзат Полаттың өліміне қатысты сот аяқталып, сотталушылар 1,5 жыл мен 23 жыл аралығында түрме жазасын алған.
