"Информбюро" бағдларламасының хабарлауынша, Диананың туыстары оның өз-өзіне қол жұмсағанына күмән келтіреді. Олар қыздың өліміне басқа адамдардың қатысы болуы мүмкін деп санайды.
Туыстарының айтуынша, Диана қайтыс болар алдында анасымен бірге уақыт өткізген. Анасына сыйлық жасап, оны сұлулық салонына апарған. Сондай-ақ концертке билет алып берген. Кейін жұмыстан соң ағасына бармақ болған. Алайда түнде қыздан хабар болмаған.
Жақындарының сөзінше, Диананың денесінде көгерген іздер болған. Оның сөмкесіндегі 100 мың теңге мен алтын алқасы да жоғалған. Кейін қыздың кейбір заттары сайдан табылып, тергеушілерге берілген. Туыстары оқиға кезінде дәретхана маңында екі көлік пен төрт жас жігіт болғанын айтқан ықтимал куәгер туралы да мәлімдеді.
Полиция бұл дерек бойынша «Өз-өзіне қол жұмсауға дейін жеткізу» бабы бойынша қылмыстық іс қозғады.
Қазір тергеу жүріп жатыр. Полиция қыздың өліміне қатысты барлық жағдайды анықтап жатыр.
