Толығырақ
Оның айтуынша, бақша дақылдарын өсірудің бірнеше маусымы бар: үлбірдің астында өсірілетін ерте өнім, орта және кеш пісетін өнім, сондай-ақ жыл бойы шетелден импортталатын қарбыздар.
«Өндіріс тұрғысынан алғанда, ең қауіпсіз кезең – шілденің соңы мен қыркүйек аралығы. Бұл уақытта қарбыздар тыңайтқыштар мен түрлі өсу стимуляторларын қолданбай табиғи жолмен піседі. Сондықтан әзірге, әсіресе балаларға, қарбыз жеуден уақытша бас тартуға кеңес беремін. Бұл – менің сарапшы ретіндегі пікірім», – деді Азат Сұлтанов.
Вице-министрдің сөзінше, шетелден әкелінетін барлық жеміс-көкөніс өнімі фитосанитарлық бақылаудан өтіп, зиянкестер мен аурулардың жоқтығына тексеріледі.
Алайда өнім құрамындағы химиялық заттардың шамадан тыс қолданылуы мен олардың қалдық мөлшеріне қатысты бақылауды санитариялық-эпидемиологиялық қызмет жүзеге асырады.
