Құрылтай барысында партияның жарғысы мен бағдарламасы қабылданып, саяси кеңес құрамы бекітілді. Партия өзін президенттік реформалар бағытын қолдайтын саяси күш ретінде таныстырды. Бағдарламада «Заң мен тәртіп», әділдік, патриотизм, жауапкершілік және өңірлердің теңгерімді дамуы негізгі басымдықтар ретінде аталған.
Ресми дерек бойынша, съезге Қазақстанның барлық өңірінен 1000-нан астам делегат қатысқан. Партия өкілдері ұйым құрамында 9000-нан аса мүше бар екенін және заңдағы тіркеу талаптары орындалғанын мәлімдеді.
Айбек Дәдебай — Қазақстанның мемлекеттік қызметінде ұзақ жыл жұмыс істеген басқарушы және дипломатиялық жүйеде тәжірибесі бар шенеунік.
Қысқаша түйіндесек, ол:
Халықаралық қатынастар саласында білім алған (Абылай хан атындағы ҚазХҚжӘТУ, магистр)
Парламент Сенаты аппараты мен Президент әкімшілігі жүйесінде әртүрлі сарапшы және басшылық қызметтер атқарған
Қазақстанның БҰҰ жанындағы Женевадағы өкілдігінде дипломат ретінде жұмыс істеген
Кейін Президент Іс басқарушысы, одан соң Президент Әкімшілігінің басшысы деңгейіне дейін көтерілген
2025 жылы мемлекеттік қызметтен кейін саяси салаға өтіп, жаңадан құрылған «Әділет» партиясының төрағасы болып сайланды.
Яғни, ол — негізінен мемлекеттік аппарат пен дипломатиядан шыққан, кейін саяси партия жетекшілігіне келген менеджер-шенеунік.
2024 жылғы 6 ақпанда Мемлекет басшысының Жарлығымен Президент Әкімшілігінің басшысы қызметіне кірісті. Еске салсақ, 5 мамыр күні Президент Жарлығымен Айбек Дәдебай басқа қызметке ауысуына байланысты Президент Әкімшілігінің басшысы қызметінен босатылған болатын. Оның орнына бұл лауазымға Роман Скляр тағайындалды.
Айта кетейік, биыл сәуір айының ортасында саясаттанушылар, журналистер және қоғам белсенділерінен құралған бастамашыл топ “Әділет” атты жаңа саяси партия құру бастамасын көтерген болатын. Партия өкілдерінің айтуынша, “Әділет” прогрессивті реформаларды, “Әділетті Қазақстан” идеясын, заң үстемдігін нығайтуды және азаматтардың шешім қабылдау процесіне қатысуын кеңейтуді қолдайды.
Партияның басты мақсаты — жаңа Конституция қағидаттары мен ұлттық құндылықтар негізінде Қазақстан азаматтарының құқықтары мен мүдделерін қорғау.
16 сәуір күні партияның ұйымдастыру комитеті Әділет министрлігіне саяси бірлестік құру туралы ресми хабарлама тапсырған.
Партия өкілдерінің мәліметінше, құрылтай съезіне дейін ұйымға 9312 адам мүше болған. Осылайша заңда көрсетілген 5000 мүшелік межеден асқан. Сонымен қатар әр облыс пен республикалық маңызы бар қалалардан кемінде 200 мүшеден жиналу талабы да толық орындалған.
