Kazinform мәліметінше, қазір Берденовтің ісі бойынша тараптар қылмыстық істің материалдарын қарап жатыр.
«Тергеу аяқталды, қазіргі таңда тараптар іске қатысты материалдарды қарап жатыр. Осыдан кейін іс прокуратураға жолданып, ары қарай сотқа беріледі. Әзірге сот процесі басталған жоқ», - деп түсіндірді сот.
Шымкент қалалық полиция департаментінің мәліметінше, тергеу қылмыстық кодекстің екі бабы бойынша жүргізіліп жатыр.
Атап айтар болсақ, 24-баптың 3-бөлігі – «қылмыс жасауға оқталу» және 99-баптың 2-бөлігінің 6-тармағы – «басқа адамдардың өміріне қауіп төндіретін тәсілмен жасалған кісі өлтіруге оқталу».
Еске сала кетейік, күдікті Ернар Жиенбайдың оқиғаға дейін «Тұрғын үй Шымкент» ЖШС директорының міндетін атқарғаны анықталған еді. Ол оқиға болған 21 сәуір күні-ақ әкімдік ғимаратының маңында ұсталды.
