Белгілі этнограф Болат Бопайұлы өмірден өтті

Бұл туралы журналист Біләл Қуаныш әлеуметтік желідегі парақшасында жазды. 

"Қазақ Болат Бопайынан айырылды… Қайран ағам-ай!", - деп жазды ол.

Болат Бопайұлы 1960 жылы ҚХР Шынжаң өлкесі, Алтай аймағында дүниеге келген. 

1978 -1981 жылдары Шынжаң "Дене тəрбие саңлағы" журналында жауапты редактор болып қызмет атқарды.

Әр жылдары Қазақ радиосында, Қазақстан телеарнасында редактор, сценарист қызметін атқарған. Қазақ этнографиясы тақырыбында 30-дан астам кітап жазған. 

Болат Бопайұлы елге оралған 30 жылда мектеп, колледж, университеттерде қазақ салт-дəстүрі тақырыбында лекция өткізген. Қазақстанда шығатын газет-журналдарда, барлық сайтта этнография тақырыбында жазған мыңға жуық ғылыми мақаласы жарық көрген.

ҚР «Мəдениет үздігі» төс белгісінің иегері, Қазақстан Республикасының құрметті азаматы.