Ауыр жарақат алған үш жолаушы Әулиекөл ауданындағы аурухананың жансақтау бөлімінде жатыр. Қайғылы оқиға кеше Қарасу ауданындағы Герцено кентінің маңында болған. Қостанай - Сұрған тасжолымен жүйткіп келе жатқан Volvo және Toyota Alphard автокөліктері бетпе-бет соқтығысқан.
Бірнеше адамның өмірін қиған жол апатына қатысты сараптама тағайындалып, тергеу басталды.
"Өкінішке қарай, жол апатынан екі мұғалім қаза болды. Бірі — Заречный мектеп-лицейінің орыс тілі пәні мұғалімі. Ал екіншісі — Алтынсарин атындағы орта мектепте педогог-психолог. Олар туыстарының үйіне қыдырып бара жатқан екен. Марқұмдардың туыстарына қайғырып, көңіл айтамыз", - деді Қостанай облысы әкімдігі Білім басқармасының баспасөз хатшысы Анна Лазарева.
