Мәзір
Шұғыл
Горячие новости
5 қараша, 2024 / BuginMedia / Әлеумет

Елімізде көлікті техникалық байқау тәртібіне өзгерістер енгізіледі

Қазақстанда рұқсат беру жүйесін енгізу арқылы техникалық байқау операторларының жұмысын бақылауды күшейту жоспарлануда, деп хабарлайды buginmedia.kz.

Елімізде көлікті техникалық байқау тәртібіне өзгерістер енгізіледі Елімізде көлікті техникалық байқау тәртібіне өзгерістер енгізіледі
Фото: istockphoto.com

Нормативтік-құқықтық актілерге енгізілетін өзгерістерді ҚР КМ Автомобиль көлігі және көліктік бақылау комитетінде түсіндірді.
 
"Бұрын техникалық байқау орталығын ашу үшін материалдық-техникалық базаның (яғни жабдықтың, ғимараттың және персоналдың) болуын растамай, көліктік бақылаудың өңірлік инспекцияларына хабарлама жіберу жеткілікті болатын. Енді бақылауды күшейту үшін біз хабарламадан рұқсат беру жүйесіне көшеміз. Бұл заңды тұлғалар мен жеке кәсіпкерлерге техникалық байқау орталықтарын ашуға рұқсат алу, сондай-ақ стандарттарға сәйкес келетін ғимараттың, тиісті сертификатталған жабдықтың және білікті мамандардың болуын растау қажет дегенді білдіреді. Бұл өзгерістер техникалық байқаудан сапалы өтуді қамтамасыз етпейтін операторларды нарықтан шығаруға мүмкіндік береді", - деп атап өтті Автомобиль көлігі және көліктік бақылау комитеті қызметкерлері.
 
Бүгінгі күні нормативтік-құқықтық актілерге енгізілетін осы өзгерістер ағымдағы жылдың қараша айының ортасына дейін Үкіметтің ашық НҚА электрондық порталында талқылау үшін орналастырылды.
 
Өз кезегінде, жұмыс жасап тұрған операторларға материалдық-техникалық базаның болуын растауға мүмкіндік беретін, Заңға сәйкес 6 айға дейінгі мерзім қарастырылған.

Апта талқысында:

Осыған ұқсас:
Похожие новости