Мәзір
Шұғыл
Горячие новости
4 қараша, 2024 / BuginMedia / Жаңалықтар

Төтенше жағдайлар министрлігінің жоғары лауазымды 3 қызметкері сотталды

Төтенше жағдайлар министрлігі өртке қарсы қызмет комитетінің төрағасы сотталды,  деп хабарлайды buginmedia.kz Сыбайлас жемқорлыққа қарсы іс-қимыл агенттігіне сілтеме жасап.

Төтенше жағдайлар министрлігінің жоғары лауазымды 3 қызметкері сотталды Төтенше жағдайлар министрлігінің жоғары лауазымды 3 қызметкері сотталды
Фото: gov.kz

"Ақмола гарнизоны Әскери сотының үкімімен ҚР Төтенше жағдайлар министрлігінің Өртке қарсы қызмет комитетінің төрағасы Н. Дербисов пен Шымкент қаласы Төтенше жағдайлар департаментінің бастығы М. Жақсыбаев 5 жылға, Жетісу облысы Төтенше жағдайлар департаментінің бастығы Б. Ізбасаров 9 жылға бас бостандығынан айырылды", - делінген хабарламада.

Олар бизнес өкілінен кәсіпкерлік қызметіне қамқорлық жасағаны үшін жалпы сомасы 39,7 млн теңге сомасында пара алған.

Сондай-ақ, Б. Ізбасаров 1,7 млн теңге сомасында өзіне қосымша ақшаны заңсыз есептеп билікті асыра пайдаланғаны үшін сотталды.

Сондай-ақ аталған адамдар мемлекеттік қызметте және квазимемлекеттік сектор субъектілерінде лауазымдарды атқару құқығынан айырылды.

Сот үкімі заңды күшіне енген жоқ.

Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.

Апта талқысында:

Осыған ұқсас:
Похожие новости