Сот Жақсыгенді көрінеу жалған ақпарат таратқаны үшін 2 жыл 3 айға бас бостандығынан айырған. Үкімнен кейін Фариза Алмасқызы көз жасына ерік беріп, ар-намысының қорғалғанына қуанышты екенін айтты.
«Үкім шықты. Нұрсұлтан Жақсыген 2 жыл 3 айға бас бостандығынан айырылды. Қазір намысым қорғалып, ақталып шыққаныма қатты қуанып тұрмын. Себебі, өте үлкен жала жабылған болатын. Үстімнен ауыр жүк түскендей болды, жеңілдеп қалдым. Барлықтарыңыздың қолдауларыңызға рақмет», – деді ол.
Еске салайық, бұған дейін актерге әлеуметтік желі арқылы жалған ақпарат таратып, адамның ар-намысына нұқсан келтірді деген айып тағылған. Сот үкімінен кейін ол жазасын өтеу үшін сот залынан қамауға алынған.
Айта кетейік, бұған дейін актер Нұрсұлтан Жақсыген 2 жыл 3 айға бас бостандығынан айырылғанын жазған едік.
