Қазақстанның Сыртқы істер министрлігі оның ұсталғанын 15 қыркүйекте растады. Ведомствоның мәліметінше, әйелдің АҚШ-та заңды көші-қон мәртебесі болмаған.
«Қазақстан азаматы Флорида штатында заңды көші-қон мәртебесі болмағанына байланысты АҚШ-тың иммиграциялық қызметі тарапынан ұсталды. Қазақстандық дипломаттар АҚШ мемлекеттік органдарымен және ұсталған әйелдің отбасымен байланыста болып, қажетті консулдық көмек көрсетіп жатыр», – деп хабарлады СІМ.
Әзірге америкалық тарап қазақстандық әйелдің жеке басы, нақты қай жерде ұсталып отырғаны және оны ұстаудың басқа да мән-жайлары туралы қосымша ақпарат жарияламаған.
Әлеуметтік желіде Әлияның құрбысы әйелді босату үшін адвокат қызметіне және кепілге қаражат қажет екенін жазып, жұртшылықтан қаржылай көмек сұраған.
ICE – АҚШ Ішкі қауіпсіздік министрлігіне қарасты орган. Ол елдегі көші-қон заңнамасының сақталуын бақылап, заңсыз көші-қонға қатысты істермен айналысады.
