Оқиға қалай болды
Тікелей эфир кезінде әйел бірнеше ер адаммен бірге отырған және алкоголь ішкен. Ол эфир барысында балағат сөздер айтып, интимдік өмірі туралы ашық әңгімелеген. Трансляцияны оның кішкентай қызы да көрген. Қыз анасына тікелей эфирдің чатында хабарласып, одан кетуін сұраған және өзіне ұят болғанын жазған.
Әйелдің таныстары да эфирді қызы көріп отырғанын ескерткен. Алайда бұған қарамастан, стример тікелей эфирді жалғастыра берген.
Қызы эфир кезінде анасына жазған
Қыз анасына тікелей эфирдің чатында хабарласып, эфирді тоқтатып, кетуін сұраған. Ол анасына өзіне ұят болғанын да жазған. Әйелдің таныстары да эфирді қызы көріп отырғанын ескерткен. Алайда бұған қарамастан трансляция жалғасқан.
86,5 мың теңге айыппұл салынды
Полиция бұл жағдайды әлеуметтік желілерді мониторингтеу барысында анықтаған.
Әйелге екі бап бойынша әкімшілік хаттама толтырылған. Ол ұсақ бұзақылық және кәмелетке толмаған баланы тәрбиелеу жөніндегі міндеттерді тиісінше орындамағаны үшін жауапқа тартылған.
Сот әйелге 20 АЕК, яғни 86 500 теңге көлемінде айыппұл салған.
