Жол-көлік оқиғасы тасжолдың 110-шақырымында болған. Полицияның мәліметінше, екі Chevrolet Cobalt көлігі соқтығысқан. Көліктердің бірінің жүргізушісі қарсы жолаққа шығып кетіп, басқа автокөлікпен соқтығысқан.
«Жол апаты салдарынан алты адам оқиға орнында қаза тапты. Тағы бір адам түрлі жарақатпен медициналық мекемеге жеткізілді», – деп хабарлады Жетісу облысы полиция департаменті.
Аталған факті бойынша қылмыстық іс қозғалды. Қазір полиция апаттың барлық мән-жайын, оның ішінде көліктің қарсы жолаққа шығу себебін анықтап жатыр.
