12 тамыз, сәрсенбі күні атмосфералық фронттардың ықпалымен еліміздің бірқатар өңірінде жаңбыр жауып, найзағай ойнайды. Кей жерлерде бұршақ түсіп, жел күшеюі мүмкін.
Қазақстанның орталығы мен оңтүстігінде негізінен жауын-шашынсыз ауа райы күтіледі. Солтүстік-батыс, солтүстік және шығыс өңірлерде түнде және таңертең тұман түседі.
Синоптиктердің болжамынша, елде аптап ыстық әлі де сақталады. Күндіз ауа температурасы батыс пен орталықта +27…+39 °C, солтүстік-батыс пен солтүстікте +25…+35 °C, шығыс пен оңтүстік-шығыста +30…+42 °C, ал оңтүстік өңірлерде +37…+44 °C-қа дейін көтеріледі.
