Оның айтуынша, жас ұрпақты тәрбиелеуде ұрпақтар арасындағы өзара жауапкершілік қағидаты аса маңызды рөл атқарады.
«Конституция жобасында қарастырылған ұрпақтардың өзара жауапкершілігі туралы норма еңбекке қабілетті, кәмелетке толған балалардың еңбекке жарамсыз ата-аналарына қамқорлық жасау міндетін айқындайды. Бұл талап тек құқықтық сипатта ғана емес, сонымен қатар терең адамгершілік және құндылықтық мәнге ие», – деді Динара Закиева.
Балалар омбудсменінің пікірінше, мұндай бастама отбасылық бірлікті нығайтуға, өзара сыйластық пен жауапкершілік мәдениетін қалыптастыруға, сондай-ақ дәстүрлі құндылықтарды сақтауға ықпал етеді.
