"Мынаның есі дұрыс па? Райымбек-Сейфуллин көшелерінде жөндеуден өткен көпірге келіп, тапа-тал түсте еш ұялмай, мәнсіз карикатура салып, бүлдіріп кетті. Бұндайларды әкімшілік жұмысқа жегу керек. Өз жұмысын өзі жусын", - деп жазды желі қолданушысы.
Бұл фактіге қатысты Алматы қаласы полиция департаменті пікір білдірді.
"Алмалы аудандық полиция басқармасының қызметкерлері осы факті бойынша қолданыстағы заңнама шеңберінде қажетті шаралар жүргізді. Құқық бұзушы қаланы абаттандыру ережелерін бұзғаны үшін жауапкершілікке тартылып, онымен профилактикалық әңгімелесу өткізілді. Қала көшелерінің сақталуы мен тазалығы - ортақ жауапкершілік. Азаматтарды қоғамдық тәртіп нормаларын құрметтеуге және қала келбетіне нұқсан келтіретін әрекеттерге жол бермеуге шақырамыз. Біз бірлесіп Алматының тазалығы мен қауіпсіздігін қамтамасыз етеміз", – делінген хабарламада.
Айта кетсек, әкімшілік құқық бұзушылық туралы кодекстің 505-бабы "Қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым нысандарын қиратып, қалалар мен елді мекендердің жасыл екпелерін жою және зақымдау" ескерту жасауға немесе жеке тұлғаларға 20 АЕК (78 640 теңге) мөлшерінде айыппұл салуға әкеп соғады.
Еске салайық, бұған дейін әлеуметтік желіде белгілі қоғам белсендісі, 83 жастағы Амантай қажының әйелді баспалдақтан итеріп жібергені түсірілген видео тарады. Салдарынан жәбірленушінің жамбасы сынған.Зардап шеккен әйелдің қызы оқиғаның қалай болғанын баяндап берген еді.
