«Астана» футбол клубының хабарлауынша, клубтың бір топ жанкүйері «Астана» - «Ақтөбе» матчы өтетін Алматы қаласына барар жолда жол-көлік оқиғасына тап болды.
“Қайғырып көңіл айтамыз… Елордалық клуб жанкүйері Нұрлан Ауғанбай ауыр жарақат алып, көз жұмды, ал үш жанкүйер түрлі дәрежедегі жарақаттармен ауруханада жатыр”, делінген клуб хабарламасында.
Сондай-ақ «Астана» футбол клубы марқұмның туыстары мен жақындарына орны толмас қайғыға ортақтасып, көңіл айтты.
Ал ауруханаға түскен жанкүйерлеріне тез арада сауығып кетуіне тілектестік білдірді.