Семей қаласының № 2 соты аса ірі мөлшерде алаяқтық жасады деп айыпталған А.қатысты қылмыстық істі қарады (ҚК 190-бабының 4-бөлігі).
2021-2024 жылдар аралығында А. Семей және Аягөз тұрғындарына әкімдік арқылы төмендетілген бағамен өтеусіз мемлекеттік гранттар мен жылжымайтын мүлік алуға уәде беріп, жалпы 78 жәбірленушіден 185 млн теңгеден астам ақша ұрлады.
Мысалы, 2024 жылдың ақпан айында әйел жәбірленуші С. - ға сенім білдіре отырып, мемлекеттен өтеусіз грант алуға және әкімдік арқылы төмендетілген бағамен пәтер сатып алуға уәде беріп, 6 млн теңгеден астам қаражат алды. Ақша алғаннан кейін А. кездесу орнынан қашып, жәбірленушіден жасырынып жүрді.
А. тағылған айыпты толық мойындай отырып, соттан бас бостандығынан айыруға байланысты емес жаза тағайындауды сұрады.
Прокурор А. - ны кінәлі деп тануды және оған 5 жылға бас бостандығынан айыру жазасын тағайындауды сұрады.
ҚК-нің 190-бабының 4-бөлігінің санкциясымен мүлкі тәркіленіп, 5 жылдан 10 жылға дейінгі мерзімге бас бостандығынан айыру түріндегі жаза көзделген.
Сот үкімімен А. кінәлі деп танылды және жеңілдететін жағдайларды ескере отырып, кінәні мойындау және кәмелетке толмаған балалардың болуы түрінде оған 5 жыл мерзімге бас бостандығынан айыру жазасы тағайындалды.
Үкім заңды күшіне енген жоқ.
