Мәзір
Шұғыл
Горячие новости
9 қараша, 2024 / BuginMedia / Әлеумет

«Артында 2 баласы қалды»: тікұшақ апатынан қаза тапқан офицер туралы тың дерек шықты

Ақтөбе облысындағы оқу-жаттығу ұшуы кезінде болған авиациялық апат салдарынан 1988 жылы туған Әуе қорғанысы күштері әскери институты авиациялық эскадрильясының офицер-нұсқаушысы майор Батыр Қайратұлы Оразымбетов қайғылы жағдайда қаза тапты, деп хабарлайды buginmedia.kz.

"Артында 2 баласы қалды": тікұшақ апатынан қаза тапқан офицер туралы тың дерек шықты "Артында 2 баласы қалды": тікұшақ апатынан қаза тапқан офицер туралы тың дерек шықты
Фото: Қорғаныс министрлігі

Қорғаныс министрлігінің мәліметінше, офицер Әуе қорғанысы күштері әскери институтын 2009 жылы "ұшақтар, тікұшақтар және авиациялық қозғалтқыштар" мамандығы бойынша бітірген.
Қызмет барысында Әуе қорғанысы күштерінде түрлі лауазымдардан өткен. Ми-8 тікұшағын пайдалануда үлкен тәжірибесі бар, жалпы ұшу уақыты 500 сағаттан асады. Қызмет барысында жоғары кәсібилік пен адалдық танытқан. Биылғы жылдың көктемінде болған су тасқынына қарсы іс-шараларға қатысқан. Мерейтойлық және еңбек сіңірген жылдары үшін медальдарымен марапатталған. Үйленген, артында екі баласы қалды.

Апатты жағдайдағы қону кезінде зардап шеккен әскери институт авиациялық эскадрильясының командирі майор Бибарыс Ибраев пен оқу-жаттығу авиациялық орталығының аға ұшқыш-нұсқаушысы аға лейтенант Рүстем Нығметов қазір облыстық ауруханада жатыр. Жағдайлары тұрақты-ауыр. Оларға барлық қажетті медициналық көмек көрсетілуде.

"Қаза тапқан офицер мен зардап шеккендердің туыстары мен жақындарына жан-жақты қолдау көрсетілу үстінде", - делінген хабарламада.

Апта талқысында:

Осыған ұқсас:
Похожие новости