Қайғылы жол апаты Қандыағаш қаласына жақын маңда, республикалық маңызы бар «Ақтөбе – Астрахань» автожолының 94-шақырымында болды.
Полицияның мәліметінше, жолда екі Toyota Camry көлігі бетпе-бет соқтығысқан. Қатты соққы салдарынан көліктердегі адамдардың барлығы қаза тапты. Марқұмдар Ақтөбе және Атырау облыстарының тұрғындары болған.
Аталған жол-көлік оқиғасына қатысты қылмыстық іс қозғалып, сотқа дейінгі тергеу басталды. Оқиғаның нақты себептері мен мән-жайын анықтау үшін қажетті сот сараптамалары тағайындалды.
Полиция қаза тапқандардың туған-туыстары мен жақындарына көңіл айтты. Ведомство жүргізушілерді жол қозғалысы ережелерін қатаң сақтауға, белгіленген жылдамдықты асырмауға және қала сыртындағы жолдарда барынша сақ болуға шақырды.
