Алдын ала болжам бойынша, 2026 жылдың тамыз айында Қазақстанның бірқатар өңірінде атмосфералық құрғақшылық болады.
Құрғақшылық мына аудандарда күтіледі:
Батыс Қазақстан облысы – Бөкейорда және Жәнібек аудандары;
Ақтөбе облысы – Шалқар және Ырғыз аудандары;
Атырау облысы – Құрманғазы ауданы;
Жетісу облысы – Алакөл және Ақсу аудандары;
Жамбыл облысы – Мойынқұм, Қордай, Сарысу, Талас, Шу, Жамбыл және Байзақ аудандары;
Түркістан облысы – Арыс, Созақ, Ордабасы, Шардара, Түлкібас және Бәйдібек аудандары;
Қызылорда облысы – Арал, Қазалы, Қармақшы, Шиелі аудандары және Қызылорда қаласы.
Сонымен қатар, Солтүстік Қазақстан облысының Тимирязев және Есіл аудандарында, сондай-ақ Қостанай облысының Ұзынкөл мен Қамысты аудандарында ылғал мөлшері орташа деңгейден жоғары болады деп болжанып отыр.
Ал еліміздің қалған аумақтарында ылғалдану жағдайы көпжылдық климаттық нормаға жақын болады деп күтіледі.
