«Қазгидромет» РМК мәліметінше, елдің шығыс өңірлерінде нөсер жаңбыр жауып, кей жерлерде бұршақ түсіп, екпінді жел соғады. Ал батыс пен солтүстік-батыста жауын-шашынсыз ауа райы сақталады.
Сонымен қатар Иран аумағынан келетін ыстық ауа массалары республикаға аптап ыстық алып келеді. Соның салдарынан бірқатар өңірде ауа температурасы қайтадан 40 градустан асады.
Күндізгі ауа температурасы:
батыс пен солтүстік-батыста – +38...+43°С;
солтүстікте – +30...+35°С;
орталықта – +28...+39°С;
оңтүстікте – +36...+41°С;
оңтүстік-шығыста – +29...+37°С;
солтүстік-шығыс пен шығыста – +23...+32°С болады.
Синоптиктер ауа райының күрт өзгеруіне байланысты тұрғындарға қауіпсіздік шараларын сақтап, аптап ыстық кезінде күннің ең ыстық уақытында далада ұзақ жүрмеуге кеңес береді.
