Оқу-ағарту бірінші вице-министрі Шынар Ақпарованың айтуынша, мектеп ғимараты мен аумағында мұғалімдерге гүл немесе басқа да сыйлықтар беруге болмайды.
«Біз жергілікті атқарушы органдарға тиісті хаттар жолдадық. Мектеп қабырғасында гүл немесе қандай да бір сыйлық беруге жол берілмейді. Мұны бөлек атап көрсеттік. Сондықтан бұған қажеттілік жоқ», – деді Шынар Ақпарова.
Осылайша, министрлік гүл шоғына қатысты нақты баға шегін атаған жоқ. Ведомствоның түсіндірмесі мектеп аумағында мұғалімдерге сыйлық беруге қатысты.
Яғни, мәселе гүлдің қанша тұратынында емес, оны мектеп ішінде немесе мектеп аумағында сыйлауға болмайтынында болып отыр.
Бұдан бөлек, 1 қыркүйек күні барлық мектеп сыныптарында сынып сағаттары өткізіледі. Ал колледждерде кураторлық сағаттар ұйымдастырылады.
Оқу-ағарту бірінші вице-министрі Шынар Ақпарованың айтуынша, сабақтардың ұзақтығы шамамен 45 минутты құрайды.
