Құжат екі ел арасындағы азаматтық авиация саласындағы құқықтық базаны нығайтып, тұрақты әуе рейстерін көбейтуге мүмкіндік береді.
Келісімге Қазақстанның Көлік вице-министрі Талғат Ластаев пен Сауд Арабиясы Азаматтық авиация бас басқармасы президентінің міндетін атқарушы Сулейман бин Ахмед Альбассам қол қойды.
Жаңа уағдаластыққа сәйкес, екі ел арасындағы тұрақты рейстердің саны аптасына 28-ден 70-ке дейін ұлғайтылды.
Тараптар бұл шешім сауда-экономикалық және іскерлік байланыстарды дамытуға, инвестиция тартуға, сондай-ақ туризм мен мәдени ынтымақтастықты нығайтуға ықпал етеді деп отыр.
Алдағы уақытта әуе тасымалдаушылары Астана мен Эр-Рияд арасында тікелей тұрақты рейстер ашуды жоспарлап отыр. Сонымен қатар Сауд Арабиясының өзге қалаларына қатынайтын әуе бағыттарын көбейту көзделген.
