kursiv.media жазуынша, егер сот актердің кінәсін дәлелдесе, оған 3 000 АЕК-ке дейін, яғни 12,975 млн теңгеге дейін айыппұл салынуы мүмкін. Сонымен қатар 800 сағатқа дейін қоғамдық жұмысқа тарту, үш жылға дейін бас бостандығын шектеу немесе осы мерзімге бас бостандығынан айыру жазасы қарастырылған.
Қазір Нұрсұлтан Жақсыген үйқамақта отыр. Бұған дейін оның адвокаты бұлтартпау шарасын «ешқайда кетпеу туралы қолхатқа» өзгертуді сұраған. Алайда судья Шолпанқұлова өтінішті қанағаттандырмады.
Іс актердің бұрынғы жұбайы Фариза Сабыралиевамен сот дауына байланысты болып отыр. Бұған дейін Сабыралиева әлеуметтік желіде өзі туралы жалған әрі абыройына нұқсан келтіретін ақпарат тарағанын мәлімдеген. Ол бұл туралы видео жариялаған
Сабыралиеваның айтуынша, қылмыстық іс барысында Жақсыген одан кешірім сұраған. Алайда ол кешірімді қабылдамай, бұрынғы жұбайына қатысты сотқа жүгінген.
