«Қазгидромет» болжамына сәйкес, 11 тамызда Қазақстанның бірқатар өңірінде жауын-шашын мол түседі. Елдің солтүстігі мен оңтүстік-шығыстың таулы аймақтарында нөсер жаңбыр жаууы мүмкін. Кей жерлерде бұршақ түсіп, желдің екпіні күшейеді.
Қазақстанның орталығы мен оңтүстігінде жауын-шашынсыз ауа райы сақталады. Ал солтүстік-батыс, солтүстік және шығыс облыстарда түнде және таңертең тұман түсуі ықтимал.
Оңтүстікте +44 градусқа дейін ыстық болады
Еліміздің оңтүстігінде аптап ыстық күтіледі. Күндіз ауа температурасы +37...+44 градусқа дейін көтеріледі.
Шығыс және оңтүстік-шығыс өңірлерде күндіз ауа температурасы +30...+42 градус аралығында болады.
Батыс пен орталық облыстарда ауа температурасы +27...+39 градус шамасында сақталады.
Ал солтүстік-батыс пен солтүстікте салыстырмалы түрде салқын ауа райы байқалады. Дегенмен бұл өңірлерде де күндіз ауа температурасы +25...+35 градусқа дейін жетеді.
