Бүгін, 6 тамыз күні басты сот отырысы айыпталушыны тергеуден басталды. Шымкент қаласы әкімінің орынбасары Руслан Берденовті өлтіруге оқталған Ернар Жиенбай сот барысында тың дерек айтты. Оның айтуынша, Берденов Ернардан өзін өлтіруге Ғабит Сыздықбеков тапсырыс берді деп айтуын сұраған.
«Берденов сотта «әкім Сыздықбеков мені киллер ретінде жалдаған» деп айтсам «кешіремін» деген шарт қойды», — деді Ернар Жиенбай.
Еске салайық, 21 сәуір күні кешке қала әкімдігі ғимараты маңында Руслан Берденовке оқ атылған. Ол жарақат алып, дереу ауруханаға жеткізілді. Ота шамамен төрт сағатқа созылды. Күдікті оқиға орнында ұсталды.
