Қылмыстық іс қозғалып, тергеу жүргізілуде.
Tengrinews.kz жазуынша, ІІМ және университет ресми түсініктеме берген.
Назарбаев Университеті жатақханаларының бірінде студент қыздың мәйіті табылғаны туралы ақпаратты университеттің баспасөз қызметі растады. Оқиға орнына құқық қорғау органдары мен психологтар тартылған.
«Біз бұл қайғылы оқиғаға байланысты марқұмның жақындарына көңіл айтамыз. Оқиға толық бақылауда. Университет тарапынан материалдық және моральдық қолдау көрсетілуде», – делінген ресми мәлімдемеде.
Университет өкілдері қоғамнан құрмет пен сабыр сұрап, расталмаған ақпарат таратпауға шақырды.
ІІМ мәліметі
Бүгін Мәжіліс кулуарында Қазақстанның ішкі істер министрі Ержан Сәденов бұл жағдайға байланысты пікір білдірді.
«Қазір бұл іс бойынша тергеу жүріп жатыр. Барлық мән-жайлар анықталуда», – деді министр.
ІІМ ақпаратына сәйкес, қылмыстық іс қозғалып, студенттің өліміне қатысты барлық жағдайлар мұқият тексерілуде.
