Нумеролог маманының айтуынша, 2025 жылдың саны – 9. Бұл өткен жылға қорытынды жасап, өткен жылдардың есігін жауып болашаққа жоспар құрып әрекет ететін сараптамалық аналитикалық жыл болады.
9-дық жылда алдағы он жылға әрекет жасап, тынымсыз еңбек етіп, соның жемісін көретін жыл болады. Тоғыздық жылы біреуді аяса, енді біреуді аямайды. Яғни, әр адам туған жыл, ай, күніне байланысты сандармен келетін энергиямен әрекет етеді.
2025 жылы – Шығыс күнтізбесі бойынша Жылан жылы. Жылан суық болып көрінгенмен, келер жылы келетін жасыл ағаш энергиясы өте жақсы жыл болады.
2025 жыл – өшпенділігі жоқ, даналық пен тапқырлықтың жылы. Бұл жылдың бар жағынан да сұлулық көруге болады.
Әйелдер мен ер адамдар әдемілікке әуестеніп, жылтыраққа құштар болады.
Шығыс күнтізбесі бойынша жасыл ағаш Жылан жылы сәттілік алып келетін жыл, бірақ кейбір жылы туылған кармалық жандар үшін 12 жылдық циклдің қайталанатын жылы болып есептеледі. Олар: 41, 53, 65, 77, 89, 2001, 2013 жылғы туған адамдар. Бұл кісілерге, өтірік айтуға, біреудің алажібін аттауға, ренжісіп қалуға, өзгелердің көңілін қалдыруға болмайды. Барынша энергиясын өзінде сақтауы қажет.
Тіпті, бұл жылды реніш пен ұрыс-керістен сақтанатын жыл деп айтуға болады.
Олай болмаған жағдайда, бұл кісілерге карма міндетті түрде әсер етеді.
2024 жыл барлық адамдардың бетпердесі ашылған кармалық жыл болды, әлі де жылдың аяқталуына 1 ай уақыт бар болғандықтан, әлі де көп нәрселердің шындығы ашылады. Келер 2025 (9 жылы) Жылан жылы да дәл солай өтіріктің құйрығы бір-ақ тұтам дегендей, шындық ашылып, бетперделер шешілетін жыл болады.
Бұл жыл – Сиыр, Қой жылы туылғандар байитын жыл. Маймыл, жылқы, тауық жылдары үшін сәтті жыл болады. Тышқан мен Доңыз жылы туғандар үшін қиындау жыл болады. Жылдың энергиясы «фэншуй» бойынша жұлдыздарды қарайтын болсақ, екілік энергиясын беріп тұр, яғни денсаулыққа өте абай болып, сақтанып жүретін жыл болады.
2025 жылы қолданатын түстер: Қызыл түс – ақшаның түсі, яғни әмияндарыңыздың түсі қызыл болғаны жақсы.
Күлгін, қызғылт сары, қою қызыл түстері байлық, сәттілік әкелетін жыл болады.
Жыл санында 8, 6, 1, 2, 5 келген жандарға сәтті жыл болады.
Жыл санында 9, 4, 7 барларда денсаулық, қарыз-ақшамен, қарым-қатынаста қиындықтар болады.
Дереккөз: zhas-zhanary.kz
