Каспий теңізіндегі әскери оқу-жаттығу кезінде әскери қызметшілердің қаза болуына байланысты тергеу жалғасып жатыр, деп хабарлайды buginmedia.kz.
Тергеу барысында іске қатысы бар өзге де тұлғалардың шеңбері анықталуда. Құқық қорғау органдары олардың қатыстылығын тексеріп, қажет болған жағдайда ұстау бойынша шаралар қабылдайды.
"Іске қатысы бар басқа да тұлғалардың шеңберін анықтап, оларды ұстау мақсатында тергеу жалғасуда", - делінген хабарламада.
Істің өзге де мән-жайлары анықталып жатыр.
Айта кетейік, бұған дейін Каспийдегі трагедияға байланысты әскери-теңіз күштері штабының бастығы мен төрт командир ұсталғаны хабарланды.
