«Жомарт» шахтасындағы апат: үйінді астында қалған 7 қызметкер қаза тапты

ТЖМ баспасөз қызметінің мәліметінше, қайтыс болған жеті жұмысшының мәйіті жер үстіне шығарылып, сот-медициналық сараптама жүргізу үшін полиция қызметкерлеріне тапсырылды.

Төтенше жағдайлар министрлігі жедел штабының «жедел желісіне» 23 қоңырау келіп түскен.

Ұлытау облысында шахтаның опырылуына байланысты үкіметтік комиссия құрылды.

Корпорация ұсынған алдын ала мәліметке сәйкес, «Қазақмыс» корпорациясының кеніштері үшін тән емес табиғи газдың жарылысы болған.

Мемлекет басшысы Үкіметке төтенше жағдайдың мән-жайын мұқият тексеру жөнінде міндет жүктеді.

Салалық ведомстволар мен өңір әкімдігіне марқұмдардың отбасыларына барлық қажетті көмек көрсету туралы тапсырма берілді.