Үш жылға созылған зерттеуге 777 адам қатысты:
Қатысушылардың орташа жасы – 75, олардың 59 пайызы әйелдер.
53 пайызы дені сау: ауыр созылмалы аурулары, мүгедектігі, когнитивті немесе психикалық бұзылыстары жоқ.
88 пайызы белсенді өмір салтын ұстанады, оның ішінде 29 пайызы аптасына 1-3 рет, ал 59 пайызы аптасына 3 реттен көп жаттығады.
Ғалымдар тәулігіне 1 грамм омега-3 май қышқылын тұрақты түрде тұтыну биологиялық қартаюды бәсеңдететінін анықтады. Үш жылдық бақылау нәтижесінде омега-3 қабылдаған қатысушылардың биологиялық жасы орташа есеппен 3-4 айға қысқарған. Бұл оның ағзадағы қартаю процестерін реттейтін эпигенетикалық сағатқа оң әсер етуімен байланысты.
Зерттеу барысында тек D дәруменін қабылдаудың айтарлықтай әсері байқалмаса да, ол омега-3 және тұрақты жаттығумен үйлескенде жасартатын әсерін күшейтетіні анықталды. Бұл үш факторды біріктірген қатысушылар қартаюдың негізгі маркері бойынша ең жақсы нәтижеге қол жеткізді.
Ғалымдар қартаюды бәсеңдету үшін келесі әдеттерді ұстануға кеңес береді:
Көбірек балық (лосось, скумбрия) тұтыныңыз немесе омега-3 қоспаларын қабылдаңыз.
D дәруменінің деңгейін бақылаңыз және күнде көбірек жүруге тырысыңыз.
Белсенді қозғалысты әдетке айналдырыңыз – аптасына кемінде үш рет 30 минуттық жаттығу жеткілікті.
