Толығырақ
Сот отырысында Гүлнәр Бажкенова қылмыстық істі «ойдан құрастырылған» деп атап, өз құқықтарын қорғауда қиындықтарға тап болғанын айтты. Оның сөзінше, бастапқы қорғаушысы істен шеттетілгеннен кейін өзін қорғауды бес адвокаттан сұрағанымен, олардың ешқайсысы істі жүргізуге келіспеген.
Бұған дейін құқық қорғау органдары Гүлнәр Бажкеноваға бірнеше бап бойынша айып таққан болатын. Ол желтоқсан айынан бері үйқамақта отыр.
Бұл іс қоғамда және журналистік ортада кең талқыланып келеді. Бұған дейін халықаралық және қазақстандық бірқатар баспасөзді қорғау ұйымдары журналисті қолдап, оған қатысты істі мұқият қарауға шақырған.
Қазіргі таңда сот процесі жалғасуда. Іс бойынша түпкілікті құқықтық бағаны сот шешімі анықтайды.
