Reuters мәліметінше, 27 тамызда Непалдың Табиғи апаттармен күрес жөніндегі басқармасы су деңгейінің жылдам көтеріліп жатқанын хабарлап, бөгеттің бұзылуы мүмкін екенін ескертті.
Қытай тарапы алдағы үш күнде көлге шамамен 3 млн текше метрге дейін су жиналуы мүмкін екенін мәлімдеді. Бұл табиғи бөгеттің бұзылу қаупін арттырады. Мамандар судың келуі әсіресе 1 қыркүйекке қарай күшеюі мүмкін деп болжап отыр. Алдағы жауын-шашын жағдайды одан әрі ушықтыруы ықтимал.
Қазір Непал мен Қытайдың Тибетпен шектесетін аумақтарында іздестіру-құтқару жұмыстары жалғасып жатыр. Бұған дейінгі жойқын су тасқыны салдарынан кемінде 362 адам қаза тауып, мыңға жуық адам хабар-ошарсыз кеткен.
