“Әзірге олар күдікті ретінде танылған жоқ. Жібірленушілердің уәждері толық тексеріліп жатыр. Желіде тараған видеоларға міндетті түрде құқықтық баға беріледі”, – деді Санжар Әділов Мәжіліс отырысынан кейін кулуарда журналистерге.
Еске сала кетейік, Ақнәр Гүлстан 2024 жылғы шілде айында Алматыдағы тұрғын үй кешендерінің бірінің жетінші қабатынан құлап, көз жұмған болатын.
Марқұмның анасы бұл оқиғаға байланысты әділ тергеу жүргізуді талап етіп, қызының өзіне қол салуы мүмкін емес екенін, оның өліміне басқа адамдардың қатысы болуы мүмкін екенін мәлімдеген. Бұл іс қоғамда үлкен резонанс туғызды.
