Катердің бортында жеті адам болған. Құтқару операциясы барысында бес жолаушы жағаға шығарылып, жедел жәрдем қызметкерлеріне тапсырылды.
Ал қалған екі адамның үстінде құтқару жилеті болмаған. Іздестіру жұмыстары кезінде олар шамамен жағадан 500 метр қашықтықтан табылды. Құтқарушылар екі адамның денесін судан алып шыққан.
Оқиға орнына Төтенше жағдайлар департаментінің 35 қызметкері, төрт техника және төрт қайық жұмылдырылды. Сонымен қатар іздестіру жұмыстарына полицияның 10 қызметкері мен төрт техникасы, Апаттар медицинасы орталығының төрт маманы және бір техникасы, сондай-ақ жедел жәрдемнің бес бригадасы қатысты.
Қазір қайғылы оқиғаның нақты себептері мен мән-жайы анықталып жатыр.
