Талғарға жаңа әкім сайланды
Дауыс беру нәтижесінде Талғар қаласының әкімі болып Арыстанбек Әбілқайырұлы сайланды, деп хабарлайды buginmedia.kz.
Талғар аудандық аумақтық сайлау комиссиясының мәліметінше, Арыстанбек Әбілқайырұлына 9071 сайлаушы дауыс берген.
"Сайлаушылар тізіміне барлығы 42 774 адам енгізілді, оның 12 875-і дауыс берді. Қала әкімі лауазымына үміткер Жәнібек Кәденов 1 875, Әлібек Рамазанов 1 140 дауыс жинады. 182 сайлаушы барлығына қарсы дауыс берді Сайлау қорытындыларымен Талғар қаласының әкімі болып Абилхаирұлы Арыстанбек сайланды", — делінген хабарламада.
Тізімде үш кандидат болды.
Еске салайық, Талғарда 2024 жылдың 15 желтоқсанында қала әкімінің сайлауы өтті.