Атырау облысында анасы мен баласы тірідей өртеніп кетті
Атырау облысының Ақкөл ауылында 11 қараша күні таңертең жеке үй өртеніп кетті, деп хабарлайды buginmedia.kz.
Өкінішке қарай, өрттен екі адам – анасы мен баласы көз жұмған.
Уәлиханов көшесіндегі үйден шыққан түтін туралы өрт сөндірушілерге 11 қараша күні таңғы сағат 4:30-да хабарланды. Өрт 72 шаршы метр үйге қосымша жалғасқан құрылыстан басталғаны белгілі болды. Оқиға орнында өрт сөндірушілер 66 жастағы әйел мен оның 35 жастағы ұлының жансыз денелерін тапты.
Қайтыс болған әйелдің 68 жастағы жұбайы ауруханаға екі қолы күйген күйде жатқызылды, сонымен қатар бес жасар қыз көміртегі тотығымен улану белгілері бойынша ауруханаға жеткізілді.
«Өрт 5:52-де оқшауланып, 6:30-да толығымен жойылды. Өртті сөндіруге Атырау облысы ТЖД Құрманғазы ауданының №7 өрт сөндіру бөлімінің тоғыз қызметкері, екі техника және «GRWORLD» ЖШС-нің үш қызметкері, бір техника жұмылдырылды», - деп хабарлады облыс ТЖД.
Өрттің себептері анықталып жатыр.