Аймақ

Қазақстанда 10 градусқа дейін аяз болады: 21 қарашаға арналған ауа райы болжамы

21 қарашада Қазақстанның солтүстік өңірлерінде түнде ауа температурасы 10 градусқа дейін төмендейді. Ал оңтүстікте күндіз 21 градусқа дейін жылы болады. Елдің батысы мен оңтүстігінің кейбір аймақтарында жаңбыр жауып, жел күшейеді, деп хабарлайды buginmedia.kz.

«Қазгидромет» мәліметінше, еліміздің басым бөлігінде жауын-шашынсыз ауа райы сақталады. Алайда батыс пен солтүстікте жаңбыр, кей жерлерде көктайғақ күтіледі.

Қалалардағы ауа райы

Астанада көшпелі бұлт шығады, жауын-шашын болмайды. Түнде ауа температурасы 4-6 градус аяз, күндіз 4-6 градус жылы болады. Желдің жылдамдығы секундына 3-8 метр.

Алматыда да жауын-шашынсыз ауа райы болжанып отыр. Түнде 4-6 градус, күндіз 14-16 градус жылы болады.

Шымкентте жаңбыр жауады. Түнде ауа температурасы 9-11 градус, күндіз 18-20 градус жылы болады. Желдің екпіні секундына 20 метрге дейін жетуі мүмкін.

Ақтауда жаңбыр жауып, ауа температурасы түнде 8-10, күндіз 13-15 градус жылы болады. Ақтөбеде де жаңбыр жауады. Мұнда түнде 2-4, күндіз 6-8 градус жылы болады.

Солтүстік өңірлерде аяз күшейеді

Петропавлда түнде 8-10 градус аяз күтіледі. Күндіз ауа температурасы 0-ден +2 градусқа дейін көтеріледі.

Көкшетауда түнде 6-8 градус аяз, күндіз 1-3 градус жылы болады. Павлодарда түнгі температура 6-8 градус аязға дейін төмендейді.

Қостанайда түнде 4-6 градус аяз, күндіз 1-3 градус жылы болады.

Қарағандыда түнде 1-3 градус аяз, күндіз 5-7 градус жылы болады. Жезқазғанда түнде 0-ден +2 градусқа дейін, күндіз +7…+9 градус аралығында болады.

Оңтүстікте күн 21 градусқа дейін жылынады

Таразда күндіз ауа температурасы 19-21 градусқа дейін көтеріледі. Түнде 7-9 градус жылы болады.

Түркістанда жаңбыр жауады. Түнде 7-9, күндіз 16-18 градус жылы болады. Қызылордада жауын-шашынсыз, күндіз 13-15 градус жылы болады.

Қонаевта күндіз 14-16 градус, Талдықорғанда 16-18 градус жылы болады.

Шығыс Қазақстанда жауын-шашын күтілмейді

Өскемен мен Семейде көшпелі бұлт шығып, жауын-шашын болмайды. Өскеменде түнде 3-5 градус аяз, күндіз 5-7 градус жылы болады. Семейде де түнде 3-5 градус аяз, күндіз 5-7 градус жылы болады.

Ал Оралда жаңбыр жауып, желдің екпіні секундына 20 метрге дейін күшеюі мүмкін. Түнде 2-4, күндіз 7-9 градус жылы болады.

Синоптиктердің мәліметінше, алдағы күндері Қазақстанның басым бөлігіне солтүстік-батыс циклондар әсер етеді. Елдің бірқатар өңірінде жаңбыр мен қар жауып, тұман түсіп, жел күшеюі мүмкін.