Ресейге жұмысқа барып, соғысқа тартылған қазақстандық жігіттер елге оралды

Ресейге жұмыс істеймін деп барып, алданып, мәжбүрлі түрде соғыс аймағына жіберілген қазақстандық жігіттер елге аман-есен оралды. Бұл туралы заңгер Мейірман Шекеев мәлімдеді, деп хабарлайды buginmedia.kz.

"Бұл қуанышты сөзбен жеткізу мүмкін емес. Әуелі Алла, одан соң әрине Мемлекет басшысы Қасым-Жомарт Кемелұлы Тоқаевқа, Сыртқы істер министрлігінің осы істе ат салысқан әрбір өкіліне және осы балалардың елге аман-есен оралуына титтейде себепші болған барша азаматтарға ата-аналардың атынан және өз атымнан шын жүректен алғысымды білдіремін", – деп жазды ол.

Бұған дейін Украинадағы соғысқа тап болған 13 қазақстандық елге оралуға дайындалып жатқаны хабарланған еді.