"Жаңбыр аралас қар": ҚазАвтоЖол жүргізушілерге ескерту жасады

Бүгін Абай, Павлодар, Қарағанды, Жетісу және Шығыс Қазақстан облыстарында жаңбыр аралас қар жауып, кей жерлерде қар түсуі мүмкін., деп хабарлайды buginmedia.kz.

ҚазАвтоЖолдың мәліметінше, қолайсыз ауа райына байланысты республикалық маңызы бар автожолдардың жекелеген учаскелерінде көріну қашықтығы төмендеп, жол беті тайғақ болуы ықтимал.

Жүргізушілерге қауіпсіз арақашықтықты сақтап, жылдамдықты жол жағдайына қарай таңдауға және оқыс маневр жасамауға кеңес беріледі.