"ҚазАвтоЖол" 11 өңірде жүргізушілерге ескерту жасады
"ҚазАвтоЖол" РМК 11 өңірде ауа райына байланысты ескерту жариялады, деп хабарлайды buginmedia.kz.
"2024 жылғы 5 қарашада Алматы, Жамбыл, Жетісу, Түркістан, Қызылорда, Маңғыстау және Шығыс Қазақстан облыстарының кей жерлерінде жаңбыр жауады. Ал Атырау, Ақтөбе, Батыс Қазақстан және Қостанай облыстарының кей жерлерінде қар аралас жаңбыр күтілуде.Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз", - делінген хабарламада.
1403 байланыс орталығына хабарласып, тәулік бойы қосымша ақпарат алуға болады.