Қазақстанда деректердің тарауына қатысты үш адам қамауға алынды

Қазақстанда дербес деректерді таратумен байланысты үш қылмыстық іс тергеліп жатыр. Бұл туралы Құрылтай кулуарында Ішкі істер министрінің орынбасары Санжар Әділов мәлімдеді, деп хабарлайды buginmedia.kz.

Оның айтуынша, қазір арнайы құрылған жедел-тергеу тобы бірнеше бағыт бойынша жұмыс істеп жатыр.

«Бір іс бойынша қылмыстық қудалау аясында үш адам бар. Іс Тергеу департаментінің өндірісінде. Үшеуі де сот санкциясымен қамауға алынды. Тергеу жалғасып жатыр», – деді Санжар Әділов.

Министр орынбасары тергеліп жатқан істердің нақты қандай фактілерге қатысты екенін ашып айтпады.