"Аяз жүреді": Қазанның алғашқы күндеріне ауа райы болжамы

“Қазгидромет” 29 қыркүйек пен 1 қазан аралығындағы ауа райы болжамын жариялады, деп хабарлайды buginmedia.kz.

29-30 қыркүйекте республиканың басым бөлігінде атмосфералық қысымы жоғары өрістің әсері сақталады. Осыған байланысты күн райы жауын-шашынсыз болады.

1 қазанда атмосфералық фронттардың әсерінен Қазақстанның басым бөлігінде ауа райы тұрақсыз болады. Жаңбыр жауып, найзағай соғып, жел күшейеді. Түнгі және таңертеңгі уақытта кей жерлерде тұман түсуі ықтимал.

Елдің солтүстік жартысында 1-3°C аяз жүреді. Күндіз ауа температурасы елдің солтүстік жартысында +15…+23°C болады.

Республиканың оңтүстігінде ауа температурасы +20…+25°C-тан +15…+23°C-қа дейін төмендейді. Таулы аудандарда +10…+15°C-тан +8…+13°C-қа дейін төмендеуі мүмкін.