Индонезияда паром апатқа ұшырап, алты адам қаза тапты, 129 адам із-түзсіз жоғалды
Индонезияның Ява теңізінде жолаушылар кемесі қолайсыз ауа райы кезінде аударылып, кемінде алты адам қаза тапты. Тағы 129 адам із-түзсіз жоғалып кеткен, деп хабарлайды іздеу-құтқару қызметтері.
Reuters агенттігінің хабарлауынша, құтқарушылар Virgo Transport 8 кемесінен 108 адамды аман алып қалған. Қазір мамандар теңізде қалған жолаушыларды іздеу жұмыстарын жалғастырып жатыр.
Апат жексенбі күні таңертең болған. Іздеу-құтқару қызметінің мәліметінше, кеме сенбі күні Шығыс Явадағы Сурабая қаласынан теңізге шыққан. Бортта барлығы 243 адам, оның ішінде 30 экипаж мүшесі болған.