Марат Сұлтанғазиев Алматы облысының әкімі қызметінен кетуі мүмкін
Алматы облысының жаңа әкімін тағайындауға келісім беру мәселесі бойынша мәслихат депутаттарының жиналысы өтеді, деп хабарлайды buginmedia.kz.
Жиын 4 қыркүйекте сағат 10:00-де Қонаев қаласында өтеді. Бұл туралы Алматы облысының әкімдігі хабарлады.
Жиналыс Жамбыл көшесі, 13/1 мекенжайындағы Қонаев қаласының Мәдениет үйінде ұйымдастырылады.
Жиынға облыстық, қалалық және аудандық мәслихат депутаттары қатысады. Депутаттарды тіркеу сағат 09:00-де басталады.
Жиналыс Қазақстан Президентінің 2022 жылғы 8 маусымдағы №912 Жарлығына сәйкес өткізіледі.
Айта кетейік, Алматы облысын 2022 жылғы маусымнан бері Марат Сұлтанғазиев басқарып келеді.