25 тамызда Қазақстанның бірқатар өңірінде жаңбыр жауып, жел күшейеді
25 тамызда Қазақстанның шығысы мен оңтүстік-шығысында жаңбыр жауып, найзағай ойнайды. Кейбір аймақтарда желдің екпіні 20 м/с-қа дейін күшеюі мүмкін. Ал батыста жекелеген аудандарда шаңды дауыл соғуы ықтимал, деп хабарлайды buginmedia.kz.
«Қазгидромет» болжамына сәйкес, Өскемен, Семей және Павлодарда күн бұлтты болып, жаңбыр жауады. Жел 15-20 м/с-қа дейін күшейеді. Күндіз ауа температурасы Өскемен мен Семейде +19...+21°C, Павлодарда +24...+26°C болады.
Алматыда жаңбыр жауып, найзағай ойнайды. Желдің жылдамдығы 18 м/с-қа дейін жетеді. Күндіз +26...+28°C жылы болады.
Оралда да жаңбыр мен найзағай күтіледі. Ауа температурасы күндіз +32...+34°C аралығында болады.
Ал Астана мен Шымкентте жауын-шашын болмайды. Елордада күндіз +24...+26°C, Шымкентте +31...+33°C болады.
Батыс облыстарда күн негізінен ашық болады. Атырауда +35...+37°C, Ақтауда +30...+32°C, Ақтөбеде +31...+33°C күтіледі. Кейбір аудандарда шаңды дауыл болуы мүмкін.
Оңтүстік және орталық өңірлерде де жылы ауа райы сақталады. Түркістанда +31...+33°C, Қызылордада +30...+32°C, Таразда +28...+30°C, Жезқазғанда +28...+30°C, Қарағандыда +21...+23°C болады.