Магистратураға грантқа кімдер түскені белгілі болды
Қазақстанда магистратураға білім беру гранттарын тағайындау конкурсының қорытындысы шықты. Үміткерлер өз нәтижелерін Ғылым және жоғары білім министрлігі мен Ұлттық тестілеу орталығының ресми ресурстарынан тексере алады, деп хабарлайды buginmedia.kz.
Биыл грант конкурсына 23 мыңға жуық талапкер қатысты. Ғылыми-педагогикалық бағыт бойынша кемінде 75 балл, ал бейіндік бағыт бойынша 30 балдан жоғары жинаған талапкерлер конкурсқа қатысуға мүмкіндік алды.
Магистратураға қабылдау рәсімі 2026 жылғы 28 тамызға дейін жалғасады. Осы уақытқа дейін грант иегерлері жоғары оқу орындарына қажетті құжаттарын тапсыруы тиіс.
Грант иегерлерінің толық тізімін мына жерден көруге болады.