Мектеп формасы биыл 17%-ға қымбаттаған: биыл ата-аналарды қандай баға күтіп тұр?
Қазақстанда жаңа мектеп формасының бағасы бір жылда 15-17%-ға қымбаттаған. Бұл көрсеткіш елдегі жалпы жылдық инфляциядан жоғары. Ұлттық статистика бюросының мәліметінше, шілде айында жылдық инфляция 10,2% болған, деп хабарлайды buginmedia.kz.
Telegram-дағы PROTENGE арнасының мәліметінше, OLX дерегінше 2026 жылғы шілдеде бастауыш және орта сынып оқушыларына арналған жаңа мектеп формасының жиынтығы бренд пен құрамына қарай орта есеппен 18-30 мың теңге аралығында сатылған. Ал екінші нарықтан мектеп формасын 6-12 мың теңгеге табуға болған.
Ұлттық статистика бюросының мәліметінше, бір жыл ішінде Қазақстанда азық-түлікке жатпайтын тауарлардың бағасы 11,7%-ға өскен. Ал мектеп формасының қымбаттау қарқыны бұл көрсеткіштен де жоғары болған.
Осылайша, биыл мектеп формасының бағасы елдегі жалпы инфляциядан ғана емес, азық-түлікке жатпайтын тауарлардың орташа қымбаттау деңгейінен де жылдам өскен.