Айфон алып бермеген: жігіт құздан секіріп, ата-анасын өзімен бірге ала кетті
Үндістанның жергілікті ақпарат құралдарының хабарлауынша, Кунал есімді 18 жастағы жас жігіт жартастың шетінде бірнеше сағат бойы тұрған. Оны райынан қайтаруға туыстары, ауыл тұрғындары, полиция қызметкерлері мен құтқарушылар әрекет жасаған, деп хабарлайды buginmedia.kz.
Times of India мәліметінше, жас жігіт ата-анасы оған қымбат смартфон алып беруден бас тартқаннан кейін эмоционалды күйзеліске түскен. Ауыл басшысы оны қауіпсіз жерге қайтару үшін өз қаражаты есебінен iPhone алып беруге де уәде еткен.
Алайда шешуші сәтте ұлын құтқаруға ұмтылған әкесі оған жақындаған кезде Кунал аяғын тайдырып, жардан құлап кеткен. Әкесі де тепе-теңдігін жоғалтып, ұлымен бірге төменге құлаған. Осы сұмдықты өз көзімен көрген анасы да артынша жардан құлап кеткен.
Қазіргі таңда полиция қайғылы оқиғаның нақты себептері мен болған жағдайдың мән-жайын анықтап жатыр.
Бұл оқиға эмоциялық күйзелістің салдары қаншалықты ауыр болуы мүмкін екенін және жастардың психологиялық саулығына дер кезінде қолдау көрсетудің маңызын еске салады.